Azərbaycan Dövlət Filarmoniyasi, Müslüm
Maqomayev adına
– Azərbaycanın ən iri konsert təşkilatlarından
biri. 1936-cı ildə Üzeyir Hacıbəyovun rəhbərliyi
ilə yaradılmışdır. ADF-da Azərbaycan Dövlət
Mahnı və Rəqs Ansamblı (1938), Ü.Hacıbəyov
adına Azərbaycan Dövlət Simfonik Orkestri (1938),
Q.Qarayev adına Kamera Orkestri (1964), Azərbaycan Dövlət
Xor Kapellası (1966), Azərbaycan Xalq Çalğı
Alətləri Orkestri (2000) fəaliyyət göstərir.
Azərbaycanın bir çox muğam ustadları ADF-nın
solistidir. ADF-da mütəmadi olaraq, muğam konsertləri
keçirilir. Hal-hazırda Azərbaycan Dövlət Filarmoniyasına
əməkdar artist Murad Adıgözəlzadə rəhbərlik
edir.