Manəndi-Müxalif
(fars: manənd – kimi, bənzər, oxşar deməkdir;
manəndi-müxalif – müxalifə bənzər)
– muğam şöbəsi. “Zabul Segah” muğamında
“Muyə” və “Segah” arasında yerləşən şöbə.
Ə.Bədəlbəylinin məlumatına əsasən,
ilk dəfə xanəndə Xan Şuşinskinin şəxsi
yaradıcılıq təşəbbüsü ilə
“Mirzə Hüseyn Segahı” muğamında “Manəndi-müxalif”dən
başlanıb sonra “Segaha” keçilmişdir. Belə halda
“Manəndi-müxalif” oxunan dəstgahın bir növ
müqəddiməsi mahiyyətini kəsb edir. Sonradan
bu, muğam ifaçılığı təcrübəsində
ənənəyə çevrilmişdir.