Mansurov Mirzə Mansur Məşədi Məlik oğlu

(05.01.1887, Bakı – 30.06.1967, Bakı)

 

– tarzən, pedaqoq. Azərbaycan əməkdar incəsənət xadimi (1940). Tarzən Mirzə Sadıq Əsəd oğlunun ifaçılıq ənənələrindən bəhrələnmişdir. Mirzə Mansur “Rast”, “Şur”, “Segah”, “Mahur-Hindi” və s. muğam dəstgahlarını ustalıqla çalmış, muğam nəzəriyyəçisi kimi tanınmışdır. 1922 ildən Azərbaycan Dövlər Türk Musiqi Məktəbində, 1926-1946 illərdə ADK-da dərs demişdir. Mirzə Mansurun ifasından “Rast”, “Zabul” muğamları T.Quliyev tərəfindən, “Dügah” muğamı Z.Bağırov tərəfindən 1936 ildə nota salınmışdır.

M.Mansurov Ü.Hacıbəyovun yaxın məsləkdaşı olmuşdur. 1925 ildə muğamat dərsləri üzrə ilk proqramın yaradılmısı prosesində yaxından iştirak etmişdir. Eyni zamanda, Ü.Hacıbəyovun təşəbbüsü ilə tar alətini təkmilləşdirmişdir. Onun yeni quruluşda hazırladığı tar aləti Paris və İstanbul incəsənət sərgilərində nümayiş etdirilmişdir (1934).