Novruzov Ağababa Əli oğlu

(22.10.1932, Xızı, Qəriban kəndi – 20.09. 1993, Bakı)

 

– xanəndə, muğam bilicisi. Zülfü Adıgözəlov məktəbindən bəhrələnib, onun layiqli davamçılarından biri olub.Gənc yaşlarından muğamları mənimsəmiş və xanəndə kimi məşhurlaşmışdır. Ağababa Novruzov muğam bilicisi kimi musiqisevərlərin dərin rəğbətini qazanmışdır. O, bir müddət Azərbaycan Dövlət Konsert Birliyinin solisti olub.A.Novruzovun AzRT-nın Fondunda bir sıra lent yazıları qorunur.

O, bütün muğamları böyük şövq¬lə oxuyurdu. «Zabul-segah» və «Rast» muğamları dəstgah halında video lentlərində saxlanılır. A.Novruzovun İran İslam Respublikasında disk-albomu hazırlanıb. Alboma xanəndənin yüksək səviyyədə ifa etdiyi «Orta Segah», «Çahargah», «Mahur», «Mirzəhüseyn segahı» dəstgahları və «Heyratı» zərbi-muğamı daxil edilmişdir.