Vəzirov Ədalət Səfərəli oğlu
(27.04. 1951, Bakı – 05.10. 2002 Bakı)
–
kamança ifaçısı, Azərb. əməkdar artisti.
Ə.Vəzirov Bülbül adına Orta İxtisas Musiqi
Məktəbində (1968) və ADK-da təhsil alıb
(1974). O, 1974 ildə Moskvada keçirilən V Beynəlxalq
Musiqi müsabiqəsinin qalibi olub. 1980 ildən ADK-da və
Sumqayıt Musiqi Texnikumunda (2000-2002 illərdə direktor)
müəllim işləyib, bir çox adlı-sanlı
tələbələr yetişdirib. O, uzun müddət
əməkdar artist Baba Salahovun (1923-1982) rəhbərlik
etdiyi x.ç.a. ansamblında, SSRİ xalq artisti Zeynəb
Xanlarovanın rəhbərlik etdiyi ansamblda çalışmışdır.
Bir çox xarici ölkələrdə – ABŞ, Kanada,
İraq, Misir, Türkiyədə ifaçılıq sənətimizi
yüksək səviyyədə nümayiş etdirib.
Ə.Vəzirov kamança ifaçılığından
əlavə peşəkar fortepiano və qarmon ifaçısı
idi. O, xalq mahnı, rəqs, rəng və təsnifləri,
muğamları mükəmməl ifa etmək, üçlükdə
xanəndəni, tarzəni düzgün müşayiət
etməklə yanaşı, Azərb. və dünya bəstəkarlarının
əsərlərini yük¬sək səviyyədə
ifa etmək bacarığına malik bir ifaçı olmuşdur.